იმდენი ხანია პოსტი არ დამიწერია, მგონი დამავიწყდა კიდეც როგორ უნდა.
ჩემს არწერაში ბევრა წყალმა და მეწყერმა ჩაიარა.
თავისი დიდთოვლობით, რუსეთის საპრეზიდენტო არჩევნებით, თესეუს აქციებით ”ვარსკვლავებთან ცეკვით” და ლაიქების კონკურსებით.
მე ისევ აბიტურიენტი ვარ და დღეს ფაკულტეტების ჩამონათვალიც კი შევავსე გამოცდების ერვონული ცენტრის საიტზე, სხვათა შორის, ძალიან მარტივი და სწრაფია ონლაინ რეგისტრაცია. ^^
ქინდლი ჯერაც არ მიყიდია :დ თავს ვაჯერებ რომ ქინდლს თუ ვიყიდი ისედაც ზარმაცი საერთოდ აღარ ვიმეცადინებ, მაგრამ რა აზრის აქვს ფურცლებიანი წიგნებით და ინტერნეტითაც კარგად ვერთობი, ამიტომ ჯობდა მეყიდა ((
გუშინ ქართულზე მივდიოდი და ბოლოს წაკითხულ წიგნზე ვფიქრობდი “1984″ დავამთავრე ერთი კვირაა, მერე ჩემი ფიქრები ერთ საუბარს გადასწვდა, რომელსაც შემთხვევით შევესწარი და საკმაოდ უცერემონიოდ შევიჭერი სამი ინწელექტუალი სნობის პოლილოგში ლიტერატურის შესახებ ^^
ერთი იაპონურ ლიტერატურას აქებდა, თან ისეთი ტერმინებით, რომელთა ნახევრის მნიშვნელობა ალბათ თვითონაც არ ესმოდა; მეორეც კლასიკა ჰყვარებია და ძველ და ნაცად წიგნებზე დებდა თავს, მესამე კი ჩემი მეგობარი, რომელსაც ვახლდი, თანამედროვე ლიტერატურის დიდი მოყვარულის როლის მორგებას ცდილობდა და ფამუქს ყველა ბრუნვაში ატრიალებდა ეპითეტებით: “გენიალურია” “როგორი ღრმაა” “გავგიჟდი” დროდადრო ბურჭულაძის ნიჭითა და ექსპრესიითაც ასწრებდა აღფრთოვანებას, მე კი ვიდექი დაბნეული და არ ვიცოდი როდის შევჭრილიყავი საუბარში :დ (დიახ, შეგიძლიათ უზდრელი დამიძახოთ!)
ლიტერატურიდან სინემატოგრაფიაზე გადაინაცვლეს თავისი ფელინით, ბერტოლუჩით, ალაგ პაზოლინით და “ყავით და სიგარეტით”
ვინაიდან კინოს სფეროში აბსოლუტური დილეტანტი ვარ და “ეშმაკი ატარებს პრადას” ვერ გავცდი (ჰმ) ისევ ლიტერატურაზე გადავიტანე საუბარი კითხვით: “ბოლოს რა წაიკითხეთ გოგოებო?”
მივიღე თვალების ფახური და ჩაფიქრება ( აი მაიკო ასათიანი რომ ჩაფიქრდა “ნანუკას შოუში” ამ უკანასკნელმა ანალოგიური კითხვა რომ დაუსვა)
ერთმა, აი იმან, კლასიკის გიჟი რომაა “მექანიკური ფორთოხალი” წავიკითხეო მომახალა გამარჯვებული სახით ^^ დანარჩენა ორმაც თეთრი ფინჯნების მაღლიდან გადმომხედეს ირონიულად.
მოგეწონა? არ დავიბენი მეც (თან თვალები ავაფახულე) ყავას არ ვსვამ და მეტი დამაჯერებლობისთვის ჩაი მოვყლუპე.
-ის მომენტი აი ვიღაც მოხუცს ”კრისტალოგრაფიის საფუძვლები” რომ წაართმევენ, ვაგრძელებ მე ერთი კვირის წაკითხული წიგნის შინაარსზე ჟღურტულს. (თვალებს ისევ ვაფახულებ)
-ააა, ხო, ვიცი ეგ
-და მერე იმ მოხუცი რომ ალეკსის შეყვარებულს რომ დაარტყამს (მოფიქრებაში ვარ გენიოსი) რისკზე წავედი
-ხოო ეგეც კარგია
ჰეჰ, ფილმიც არ აქვს ნანახი ! (გავიფიქრე და ჩაის ფინჯანში ჩავმალე ღიმილი)
გოგოებთან ლიტერატურაზე საუბარი აღარ გამიგრძელებია, ოსკარების კაბებზე საუბარი აღარ შევაწყვეტინე ^^ (დაა აი აიმ ქერას რო თეთრი კაბა ეცვა და იმას კიდე იოვოვიჩს)
ამ ისტორიით, რომელიც ცოტა შევალამაზე, ის არ მითქვამს რომ მე განათლებულობის და ინტელექტის პიკი ვარ (არ ვარ და 
) არც ის რომ ყველა გოგო სულელია (ეგ იმედზე თქვეს გარკვევით) არც ის რომ სნობები ძირითადად გაუნათლებელი და ძაან გოგოების პოზაში ჩამდგარი შტერები არიან ^^
უბრალოდ ერთი იდეა გამიჩნდა და მინდა გაგიზიაროთ
ხომ შეიძლება ვინმე ჭკვიანმა გამოუშვას სახელმძღვანელოს “დამწყები სნობებისთვის” ვთქვათ ლიტერატურის ან კინომატოგრაფის დარგში.
სადაც შევა მსოფლიო კლასიკის და თანამედროვე ბესტსელერების მოკლე (მაგრამ ზუსტი) შინაარსები, მთავარი გმირების სახელები და დახასიათებები მაგალითად: ანნა კარენინა, სასოწარკვეთის ზღვარზე მისული, დახვეწილი ქალბატონი, სიყვარულს აყოლილი და თავგანწირული :დ (ღმერთო)
ასევე საუკეთესო მომენტები ნაწარმოებებიდან.
ეს წიგნები უნდა გამოვიდეს მობი ფორმატშიც, რომ ახალგამომცხვარმა სნობებმა შეძლონ თავიანთ მოდურ აქსესუარ-ქინდლში მათი წაკითხვა.
კინოს შესახებაც კარგი იქნება ანალოგიური წიგნი, სადაც შევა მსოფლიოს “მასთ სი” ფილმები ფერადი ილუსტრაციებით და სიდი დისკი, მცირე ვიდეო კოლაჟით ამ ფილმებიდან.
ვინმე ჭკვიანი ოდესმე აუცილებლად დააპატენტებს ამ იდეას, ვიცი :დ
წავალ ახლა ცოტას ვიმეცადინებ, სხვა თუ არაფერი, მაინც აბიტურიენტი ვარ და მევალება ^^
ისე ირონიაა, თესეუს ცემა-ტყეპის ფონზე შევსებული ჩემი ანკეტა ))
სახელმძღვანელოების დახვეწაზე კი ვიფიქრებ და ჩემი მეგობრის ხელით გავუგზავნი პირველ ეგზემპლარს ბერჯესის მოყვარულ გოგოს ^^
დაალაიქეთ ბლოგის გვერდი ფეისბუქზე
სხვა თუ არაფერი, სტატუსებს მაინც ვწერ ხშირად ^^
